Міністр замежных спраў Украіны Дзмітро Кулеба пацвердзіў намер Кіева далучыцца да еўрапейскіх санкцый супраць грамадзян Беларусі, адказных за фальсіфікацыю вынікаў прэзідэнцкіх выбараў і рэпрэсіі супраць удзельнікаў пратэстаў.
«У нас вельмі складаны механізм увядзення санкцый. Мы цяпер распрацоўваем змены ў заканадаўстве, каб зрабіць гэты механізм больш гнуткім», — сказаў Свабодзе Дзмітро Кулеба, адказваючы на пытанне аб тым, калі, якія і супраць каго Украіна плануе ўвесці санкцыі.
Паводле яго, адпаведная працэдура ўжо распачатая, але ён не змог удакладніць, на якім этапе яна знаходзіцца.
Дзмітро Кулеба таксама паведаміў, што пакуль не бачыў звароту, які накіраваў Беларускі фонд спартовай салідарнасці ў дзяржаўныя структуры Украіны аб увядзенні персанальных санкцый.
«Тэарэтычна і практычна гэта можа быць далучэнне Украіны да санкцый ЕС. Пакуль усё, што я магу сказаць», — дадаў міністр.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі10
Каментары