У судзе Заводскага раёна Мінска 9 сакавіка літаральна за некалькі гадзін была разгледжаная крымінальная справа супраць палітычнага зняволенага Дзяніса Дземуха. Суддзя Алег Каляда прызнаў Дзяніса вінаватым у здзяйсненні злачынства па арт. 342 Крымінальнага кодэкса і прысудзіў яму 1 год і 6 месяцаў пазбаўлення волі ў калоніі агульнага рэжыму, паведамляюць праваабаронцы.
Таксама «Мінсктранс» заяўляў грамадзянскі пазоў аб кампенсацыі матэрыяльнай шкоды, аднак суд яго не задаволіў. Тэрмін пакарання будзе адлічвацца з моманту затрымання палітвязня.
Дзяніс Дзямух быў затрыманы чацвёртага кастрычніка пасля акцыі «Марш вызвалення палітвязняў». Яго асудзілі на 13 сутак арышту, пасля якіх ён так і не выйшаў на волю. На Дзяніса завялі крымінальную справу паводле ч. 1 арт. 342 Крымінальнага кодэкса (Актыўны ўдзел у групавых дзеяннях, якія груба парушаюць грамадскі парадак). Ён быў прызнаны палітычным зняволеным.
Да суда Дзяніс знаходзіўся ў СІЗА-1 на вул. Валадарскага ў Мінску.
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа55
Каментары