Прэзідэнт «Радыё Свабодная Еўропа»/»Радыё Свабода» Джэймі Флай выступіў з заявай наконт справы блогера Ігара Лосіка, супраць якога выставілі новыя абвінавачванні.
Пасля гэтага на вачах у следчага і адваката ён спрабаваў парэзаць сабе рукі і абвясціў у знак пратэсту сухую галадоўку.
«Мы ўсе ў «Радыё Свабодная Еўропа»/»Радыё Свабода» глыбока засмучаныя новымі абвінавачаннямі супраць Ігара і пагаршэннем яго стану здароўя. Журналістыка не з'яўляецца злачынствам, і Ігар занадта доўга знаходзіцца пад арыштам. Нельга такім чынам катаваць Ігара і яго сям’ю. Я заклікаю Аляксандра Лукашэнку неадкладна вызваліць Ігара, каб ён мог уз'яднацца з жонкай і дачкой», — заявіў Джэймі Флай.
Ігар Лосік знаходзіцца за кратамі ад 25 чэрвеня. У лістападзе і снежні ён ужо галадаў 42 дні (г. зв. «мокрая галадоўка»).
Першая вясна на волі. Ніна і Уладзімір Лабковічы расказалі пра сваю гісторыю кахання і жыццё пасля турмы5
Каментары