Байдэн паабяцаў, што ўсе дарослыя амерыканцы могуць прышчапіцца да 1 мая
Прэзідэнт ЗША Джо Байдэн у сваім звароце да нацыі абвясціў, што ўсё дарослае насельніцтва краіны ва ўзросце ад 18 гадоў да 1 мая павінна мець магчымасць прайсці вакцынацыю ад каранавіруса, паведамляе Bloomberg.
Паводле яго слоў, Злучаным Штатам удасца дасягнуць пастаўленай адміністрацыяй мэты — 100 млн прышчэпак за першыя 100 дзён знаходжання Байдэна на пасадзе кіраўніка дзяржавы — на 40 дзён раней: «Мы не толькі збіраемся дасягнуць гэтай мэты, мы збіраемся яе перасягнуць».
«Мы збіраемся перайсці ад 1 млн прышчэпак у дзень, які я абяцаў у снежні перадым тым, як прынесці прысягу, да таго, каб падтрымаць і перасягнуць цяперашні тэмп у 2 млн прышчэпак у дзень, апярэджваючы ўвесь свет», — цытуе прэзідэнта Associated Press.
Са слоў Байдэна, гэта дазволіць амерыканцам сабрацца невялікімі групамі, каб адсвяткаваць 4 ліпеня не толькі Дзень незалежнасці ЗША, але і «незалежнасць ад гэтага віруса».
«Адзіны спосаб вярнуць наша жыццё, вярнуць нашу эканоміку ў патрэбнае рэчышча — гэта перамагчы вірус», — падкрэсліў ён.
Першая вясна на волі. Ніна і Уладзімір Лабковічы расказалі пра сваю гісторыю кахання і жыццё пасля турмы5
Каментары