У Калінкавічах мужчыну забралі ў пастарунак з-пад кропельніцы ў мясцовай бальніцы
Ад самай раніцы ў Калінкавічах сілавікі прыйшлі ў дамы і кватэры людзей, якіх у верасні 2020 года ўлады пакаралі за ажыццяўленне права на мірныя сходы, паведамляюць праваабаронцы.

Ад сёмай раніцы пачаўся ператрус у хаце прадпрымальніка і мастачкі Мікалая і Марыны Міхеевых. Потым іх абодвух завезлі ў Калінкавіцкі РАУС.
Таксама раніцай міліцыянты прыйшлі да актывіста Мікалая Судаса. Яму прад’явілі пастанову на ператрус у справе аб абразе міліцыянтаў. У яго забралі тэлефон. Самога Мікалая затрымалі і павезлі ў РАУС.
Сябра АГП і незалежнага назіральніка на выбарах 2020 Аляксандра Елісеева міліцыянты забралі проста з-пад кропельніцы ў мясцовай лякарні, дзе ён праходзіць стацыянарнае лекаванне. Прычым кропельніца нават не паспела скончыцца.
Яму прад’явілі пастанову на ператрус паводле артыкула 188 (Паклёп) за нейкія паведамленні ў мясцовым тэлеграм-чаце.

Каментары