АМАП наляцеў на провады адвакатаў, пазбаўленых ліцэнзіі. Два дзясяткі забралі ў РУУС і прымушалі дыхаць у трубку
Здарэнне адбылося 26 сакавіка на вуліцы Чырвонай у Мінску, дзе знаходзяцца некалькі юрыдычных кансультацый. Удзельнікі гісторыі адмаўляюцца каментаваць падзеі вечара ад свайго імя, але вось што вядома ў агульных рысах: у юрыдычнай кансультацыі сабраліся два дзясяткі адвакатаў, каб развітацца з пазбаўленымі ліцэнзіі калегамі.
Літаральна праз паўгадзіны ад пачатку ў будынак прыехаў АМАП і папрасіў усіх на выхад. Адвакатаў прывезлі ў РУУС, а пасля на вуліцу Перадавую, дзе знаходзіцца медыцынская экспертыза гарадскога наркалагічнага дыспансера.
Пасля чаго на тых, хто быў выпіўшы, склалі пратаколы па артыкуле 19.3 КаАП (распіццё алкагольных напояў на працоўным месцы) і адпусцілі. Тых, хто не выпіваў, адпусцілі без пратакола.
Самі адвакаты лічаць, што такі хуткі прыезд міліцыі можа азначаць, што офісы адвакацкіх кансультацый цяпер праслухоўваюцца ў рэжыме рэальнага часу.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары