Нямецкі дыстрыб’ютар хімічнай прадукцыі Helm AG устрымаецца ад супрацоўніцтва з «Гродна Азот».
Пра гэта паведаміў страйкам «Гродна Азота», які атрымаў ліст ад нямецкай кампаніі, піша «Радыё Свабода».
Надалей Helm AG будзе ацэньваць магчымасць супрацоўніцтва з гэтым гарадзенскім прадпрыемствам толькі пасля праверкі ўмоваў аховы працы на «Гродна Азоце», гаворыцца ў лісце.
Паводле страйкама, Helm AG купляў 10% гадавога абʼёму прадукцыі «Гродна Азота».
Напярэдадні каманда Святланы Ціханоўскай сумесна з актывам страйкама, а таксама з беларускімі дыяспарамі накіравала кампаніі Helm AG ліст.
У лісце былі расказаныя канкрэтныя прыклады рэпрэсій на «Гродна Азоце» і названы імёны больш як 40 работнікаў, якіх арыштоўвалі ці штрафавалі за іх пратэст. Таксама ў лісце тлумачылася, як кіраўніцтва завода парушае правы працоўных на страйк, цісне на супрацоўнікаў і прымушае да працы. Ад каманды Ціханоўскай ліст падпісаў Валерый Кавалеўскі.
Сямейная кампанія Helm AG мае звыш за 100 філіялаў і прадстаўніцтваў у больш чым 30 краінах свету.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары