Злучаныя Штаты маюць намер увесці санкцыі ў дачыненні да Расіі ў сувязі з падазрэннямі ў тым, што расійскі бок нібыта стаіць за ўзломам праграмнага забеспячэння кампаніі SolarWinds, а таксама нібыта ўмешвалася ў выбары прэзідэнта ЗША. Пра гэта ў чацвер са спасылкай на некалькі крыніц паведаміла агенцтва Bloomberg.
Паводле яго звестак, санкцыі могуць закрануць каля дзясятка расейцаў, у ліку якіх «прадстаўнікі ўладаў і разведкі». Акрамя таго, рэстрыкцыі могуць закрануць каля 20 юрыдычных асоб, сярод якіх, па звестках крыніц Bloomberg, лічацца выданні, кантраляваныя, на думку амерыканскага боку, расійскай выведкай, а таксама замежныя кампаніі, нібыта «дзеючыя ў інтарэсах Масквы». Удакладняецца, што рэстрыкцыі могуць быць уведзеныя ўжо ў чацвер. У той жа час, паводле версіі агенцтва Reuters, санкцыі могуць закрануць да 30 юрыдычных асоб.
Крыніцы Bloomberg таксама паведамілі, што ўлады ЗША маюць намер выслаць з краіны 10 расійскіх афіцыйных асоб і дыпламатаў.
Новыя санкцыі ЗША супраць Масквы будуць накіраваныя супраць суверэннай запазычанасці Расіі, піша газета New York Times са спасылкай на крыніцы.
Газета Wall Street Journal паведаміла, што Байдэн выдасць указ аб пашырэнні забаронаў на гандлёвыя аперацыі амерыканскіх банкаў з расійскімі дзяржаўнымі пазыковымі абавязаннямі.
