Навука і тэхналогіі

Тры тэхналогіі, якія могуць палепшыць камеры ў смартфонах

Сёння мы маем у смартфонах камеры цудоўнай якасці. Большасць тых, хто звыклы для цяперашніх смартфонаў, не пагодзіцца насіць з сабой асобную камеру. Але яшчэ ёсць шмат шляхоў зрабіць камеры лепшымі.

фота pixabay.com

Камеры большасці смартфонаў складаюцца з шматслойных лінз — яны робяць тэлефон больш цяжкім і аб’ёмным, адначасова з тым яны пагаршаюць яго выгляд. Але зараз ідзе распрацоўка новай лінзавай тэхналогіі. Чакаецца, што яна палепшыць такую характарыстыку камер, як маштабаванне, і зробіць здымкі ярчэйшымі, пры гэтым яшчэ і зменшыць вагу і памер тэлефона, піша ВВС.

Канадская кампанія Scope Photonics жадае дамагчыся таго, каб пры маштабаванні здымкі не гублялі выразнасці. Камера, якую распрацоўваюць навукоўцы кампаніі, заснаваная на тэхналогіі вадкіх крышталяў. Даследчыкі прымушаюць крышталі рэарганізоўвацца ў залежнасці ад таго, як праз іх праходзіць святло, і такім чынам крышталі паўтараюць структуру шматслойных лінз. Таму для таго, каб павялічыць ці зменшыць маштаб здымка, хопіць аднаслойнай лінзы замест шматслойнай.

Стартап Metalenz з Кембрыджа ў амерыканскім штаце Масачусетс прапануе тэхналогію, што дазволіць пазбавіцца ад звязанага з камерай выступу на задняй частцы смартфона і ў той жа час зрабіць здымкі больш яркімі і выразнымі. Камера, што прапануе кампанія, заснаваная на адной лінзе на базе шкляной пласцінкі памерам ад аднаго да трох квадратных міліметраў. Яе крэмніевыя нанаструктуры накіроўваюць прамяні святла такім чынам, каб атрымліваць здымкі лепшай якасці.

Ва ўніверсітэце амерыканскага штата Юта група даследчыкаў распрацавала лінзу, якая ў 100 разоў лягчэйшая і ў тысячу разоў больш тонкая, чым лінзы ў камерах смартфона Apple iPhone 11. Яна складаецца з тысяч праграмаваных мікраструктур, якія факусіруюць святло на сэнсары выявы тым жа чынам, як і звычайныя больш тоўстыя лінзы.

У выпадку распрацоўвання складаных прылад, такіх як спутнікі і дроны, зніжэнне вагі камеры нават на частку грама можа прынесці вялікую карысць. Калі ж пераносіць гэтыя тэхналогіі ў звычайныя смартфоны, важна разумець, што іх карыстальнікі не чакаюць ад працы з гаджэтамі нічога складанага. Калі людзям спатрэбіцца інструкцыя для камеры смартфона, значыць, яе распрацоўшчык у нечым памыліўся.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Удава актывіста Максіма Чарняўскага расказала пра яго пакуты перад суіцыдам5

Удава актывіста Максіма Чарняўскага расказала пра яго пакуты перад суіцыдам

Усе навіны →
Усе навіны

Як звесці рызыку інфаркту да мінімуму?

Беларус надрукаваў на 3D-прынтары пісталет-кулямёт2

Азараў расказаў, чым будзе займацца яго дэтэктыўнае бюро «Рэкс»6

Чарговы скандал з адміністрацыяй Трампа: журналісты знайшлі ў інтэрнэце персанальныя даныя топ-чыноўнікаў4

«Мой заробак у Польшчы вырас у дзесяць разоў» — гінеколаг Ганна Каско49

Міністр абароны Літвы: Няма гарантыі, што вайскоўцы ЗША ў машыне — правяраюцца і іншыя версіі1

Каля новай станцыі метро хочуць знесці прыватны сектар і двухпавярхоўкі. Мінчан клічуць на абмеркаванне5

У Мінску з'явіліся электрасамакаты «Яндэкс Go»

Удзельніцам «Міс Беларусь» дазволілі мець татуіроўкі і пірсінг4

больш чытаных навін
больш лайканых навін

Удава актывіста Максіма Чарняўскага расказала пра яго пакуты перад суіцыдам5

Удава актывіста Максіма Чарняўскага расказала пра яго пакуты перад суіцыдам

Галоўнае
Усе навіны →

Заўвага:

 

 

 

 

Закрыць Паведаміць