Згодна з матэрыяламі крымінальнай справы Мікалай Дзядок на працягу некалькіх гадоў адміністраваў радыкальны тэлеграм-канал, дзе размяшчаў розныя матэрыялы, накіраваныя на дэстабілізацыю абстаноўкі ў краіне, штучнае нагнятанне напружанасці і супрацьстаяння ў грамадстве, распаўсюджванне ідэалогіі экстрэмізму. Такім чынам здзяйсняў дзеянні, накіраваныя на прычыненне шкоды нацыянальнай бяспецы Беларусі, піша СК.
Дзядку выставілі абвінавачванне па:
— ч. 1 арт. 342 (Актыўны ўдзел у дзеяннях, якія груба парушаюць грамадскі парадак і спалучаюцца з відавочным непадпарадкаваннем законным патрабаванням прадстаўнікам улады, што пацягнула парушэнне працы транспарту);
— ч. 2 арт. 361 (Распаўсюд матэрыялаў, якія змяшчаюць заклікі да здзяйснення дзеянняў, накіраваных на прычыненне шкоды нацыянальнай бяспецы Рэспублікі Беларусь, з выкарыстаннем глабальнай сеткі Інтэрнэт);
— ч. 1 арт. 295-3 (Незаконныя дзеянні ў дачыненні да прадметаў, дзеянне якіх заснавана на выкарыстанні гаручых рэчываў).
Мікалай Дзядок быў затрыманы ў лістападзе.
Каментары