Прэм’ер-міністр Расіі сёння заявіў, што Расія мае намер захоўваць льготны рэжым пастаўкі энергарэсурсаў у Беларусь.
Расія мае намер захоўваць ільготны рэжым паставак энергарэсурсаў у Беларусь.
Пра гэта заявіў прэм'ер‑міністр РФ Уладзімір Пуцін 28 чэрвеня на сустрэчы з лідэрамі фракцый Дзярждумы ў Нова‑Агарове. «У найбліжэйшы час мы наважаны падтрымку беларускай эканомікі захаваць, маючы на ўвазе тэндэнцыю выхаду на сусветны ўзровень цэн на энерганосьбіты», — цытуе Пуціна РІА Новости.
Прэм'ер адзначыў, што Беларусь — адзіная краіна, якая карыстаецца ў Расіі прэферэнцыямі, купляе расійскія рэсурсы «па цэнах ніжэйшых за сусветныя, па самых нізкіх цэнах у СНД».
«Менавіта ў выніку такой палітыкі з нашага боку, — заявіў Пуцін, — Беларусь стала адным з найбуйнейшых экспарцёраў нафтапрадуктаў на еўрапейскі рынак. Бо атрымлівае нашу нафту па танных тарыфах і, маючы досыць нізкія вывазныя пошліны на нафтапрадукты, забяспечвае высокі збыт гэтай прадукцыі на сусветных рынках з нафтапрадуктаў і газахімі, атрымліваючы значныя сродкі ў беларускі бюджэт».
«Гэта — не адзіны кірунак падтрымкі беларускай эканомікі», — падкрэсліў расійскі прэм'ер‑міністр.
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары