Фінансавым арганізацыям ЗША забаронена ўдзельнічаць у размяшчэнні на першасным рынку рублёвых або нерублёвых аблігацый, выпушчаных пасля панядзелка, 14 чэрвеня, Банкам Расіі, Фондам нацыянальнага дабрабыту або Міністэрствам фінансаў РФ, піша DW.
Акрамя таго, гэтым ведамствам забаронена прадастаўляць пазыкі ў любой валюце.
Уступленне амерыканскіх абмежавальных мер у сілу адбылося за два дні да сустрэчы ў Жэневе прэзідэнтаў ЗША і РФ Джозэфа Байдэна і Уладзіміра Пуціна. Адносіны Расіі і шэрагу заходніх дзяржаў у апошнія тыдні абвастрыліся.
Байдэн падпісаў указ аб новых санкцыях у дачыненні да дзяржаўнай пазыкі РФ у сярэдзіне красавіка. Вашынгтон патлумачыў іх з'яўленне «рашучым адказам» на «шкодніцкія дзеянні Расіі за мяжой». Да гэтага ў дачыненні да суверэннай пазыкі РФ дзейнічала адзінае абмежаванне — інвестары з Злучаных Штатаў ад жніўня 2019 года не маглі ўдзельнічаць у першасных размяшчэннях суверэнных еўрааблігацый.
Цяпер чытаюць
Дзевяць чалавек памерлі ў Брэсце і Мінску — усім ім уводзілі адныя і тыя ж лекі. У прэпараце знайшлі бактэрыі5
Каментары