Кампанія Wargaming выкупіла 76 кватэр у жылым комплексе Tower на праспекце Канстытуцыі ў сталіцы Літвы. «Нечуваная здзелка ў Вільні: хмарачос запоўняць беларусы», — з такім загалоўкам выйшаў матэрыял у літоўскім выданні Irytas.lt, адзначае dev.by.
Паводле ацэнак экспертаў, сума ўгоды можа дасягаць 20 млн еўра.
Irytas.lt піша таксама пра тое, што 29-павярховы Tower — даўгабуд, яго першая назва — Arfa. Дзесяцігоддзе хмарачос стаяў пустым, і толькі пару гадоў таму, пасля перадачы новаму забудоўшчыку, будоўлю завяршылі. Якасць будаўніцтва ў комплексе ў свой час актыўна крытыкавалі: казалі аб тым, што падмурак падтапляецца, сцены трэскаюцца, будынак, маўляў, прасцей знесці і пабудаваць нанова.
З выкупленых кватэр беларусы змогуць лёгка дабрацца да сваіх працоўных месцаў. БЦ Quadrum, у якім Wargaming займае пяць паверхаў плошчай амаль 5 тысяч кв. м, знаходзіцца непадалёк, таксама на праспекце Канстытуцыі.
Віленскі офіс Wargaming быў адкрыты ў красавіку, яго ўзначаліў былы генеральны дырэктар агенцтва «Invest Lithuania» Мантас Кацінас. Карпарацыя плануе паэтапна, на працягу 3-4 гадоў, стварыць у Вільні да 400 новых працоўных месцаў.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары