Жыхар Міншчыны павесіў БЧБ-сцяг ля школы і пасварыўся з вартаўніком — яго адправілі ў калонію на два гады
Жыхара аграгарадка Замасточча Сяргея Міселю абвінавачвалі ў «пагрозе гвалту ў дачыненні да службовай асобы».
Мужчына ў лістападзе мінулага года прыйшоў на тэрыторыю школы з БЧБ-сцягам, каб павесіць яго над уваходам. Сяргей змог павесіць сцяг, але на шум з будынка школы выбег вартаўнік. Ён запатрабаваў зняць сцяг, але Міселя адмовіўся, дадаўшы, што калі вартаўніку гэта трэба, то хай сам і здымае, паведамляюць праваабаронцы.
Пасля гэтага паміж імі адбылася слоўная сварка, у ходзе якой, па версіі следства, на адрас вартаўніка прагучалі пагрозы прымянення гвалту, а таксама той замахнуўся на вартаўніка нажом.
Сяргей адмаўляў пагрозу нажом. Вартаўнік таксама казаў, што пагрозы нажом не было. Тым не менш суддзя Аляксей Крапачоў прысудзіў мужчыну 2 гады калоніі.
Цяпер чытаюць
«Як толькі чуюць пра Расію — дык усё… У чым праблема?» У Мінску не хочуць здаваць кватэру чалавеку з расійскім пашпартам3
Каментары