Макей даў інтэрв'ю тэлеканалу RT. Ён расказаў пра адносіны з Захадам, закрыццё мяжы з Украінай, а таксама пра магчымыя палёты ў Крым
Вось асноўныя тэзісы.
Пра адносіны з Захадам:
«Мы і цяпер гатовыя садзіцца за стол перамоваў з любым нашым партнёрам, які выкажа жаданне на гэты конт. Але, на жаль, пакуль мы не чуем ніводнага здаровага голасу ў гэтым хоры…»
Міністр адзначыў, што той жа Расіі спатрэбілася больш за 20 гадоў, каб зняць ружовыя акуляры і адназначна зразумець, што «англасаксы не збіраюцца прыняць гэтую вялікую дзяржаву ў элітны клуб сусветных дзяржаў на сваім узроўні, з раўнацэнным правам голасу».
Пракаментаваў Уладзімір Макей і закрыццё мяжы з Украінай. Ён кажа, што перашкод для бізнэсу, турызму або перамяшчэння звычайных грамадзян няма:
«Для турыстаў, для звычайных грамадзян межы адкрытыя. Тое, што было сказана, што мы закрываем межы, азначае, што з улікам тых падзей, якія мелі месца апошнія дні (а тут ад фактаў нікуды не сысці), я маю на ўвазе тое, што было паказана па тэлебачанні ў апошні час, са зброяй, з арганізацыяй тэрарыстычных актаў, анархістамі і гэтак далей, усё гэта прымушае нас больш пільна глядзець на ахову нашых межаў».
Што да палётаў у Крым, то міністр заявіў, што трэба глядзець на эканоміку:
«Калі гэта будзе выгадна, скажам так, для грамадства, для краіны, для дзяржавы, то, я думаю, рашэнне адпаведнае будзе прынята. Але ў гэтай сітуацыі мы павінны ўлічваць і некаторыя іншыя аспекты, звязаныя з магчымымі санкцыямі, якія могуць быць уведзеныя ў дачыненні да Беларусі».
Закранута было тэма і дзейнасці няўрадавых і замежных арганізацый:
На думку міністра, улады супрацоўнічалі і працягваюць супрацоўнічаць з арганізацый, у тым ліку замежных, якія прыносяць канкрэтную карысць дзяржаве і грамадству. У той жа час, па словах Макея, ёсць і такія арганізацыі з дэструктыўнымі мэтамі.
«Як разглядзець сутнасць гэтых арганізацый — гэта ўжо іншае пытанне. Гэта вельмі важная задача, у першую чаргу, вядома, спецыяльных службаў.
І павінен прызнаць, што поствыбарчая сітуацыя мінулага года з'яўляецца ў пэўнай меры следствам таго, што нашы спецслужбы, напэўна, праглядзелі актыўнасць вось гэтых дэструктыўных арганізацый, якія паспрабавалі арганізаваць адпаведны пераварот у Беларусі», — мяркуе кіраўнік МЗС.
Калі Канапацкая стала падкантрольная Лукашэнку? Расказваюць яе сябры2
Каментары