Стрыжак: У новай атацы ў полі зроку сілавікоў некалькі сотняў чалавек
Кіраўнік «Байсол» Андрэй Стрыжак падзяліўся інфармацыяй пра новую хвалю затрыманняў.
Па яго назіраннях у гэтай хвалі некалькі асаблівасцяў.
«1) кола ахвяраў апошняй атакі — сваякі і блізкія палітвязняў;
2) рэгіянальны характар атакі, аблавы ідуць па ўсёй краіне;
3) гібрыдны фармат хвалі — паралельна з арыштамі і вобшукамі ідзе інфармацыйная кампанія па ўяўнай «адлізе» (адмова ад публікацыі відэа з затрыманымі, арганізацыя сустрэчы Калеснікавай з бацькам, кропкавыя памілаванні)», — пералічае ён у фэйсбуку.
Стрыжак дадае, што, па яго інфармацыі, у гэтай атацы ў полі зроку сілавікоў некалькі сотняў чалавек. Асаблівы акцэнт на рэгіёнах: Полацк і Наваполацк.
Раней у сувязі з гэтым Стрыжак абвясціў пра мабілізацыю службы эвакуацыі.
Нагадаем, што ўчора стала вядома пра хвалю затрыманняў, якая прайшла па ўсёй Беларусі.
Пад затрыманні трапілі, у тым ліку, сваякі палітвязняў. Арышты і вобшукі прайшлі ў шматлікіх людзей на прадмет атрымання дапамогі.
Затрыманні прайшлі ў Гродзенскай вобласці, Баранавічах і Мінску.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары