«Якая рэвалюцыя? Мы проста хочам сумленных выбараў». Год таму 70 тысяч мінчукоў віталі Ціханоўскую
Год таму ў мінскім парку Дружбы Народаў адбыўся найбуйнейшы перадвыбарчы мітынг з удзелам трох аб’яднаных штабоў. Больш за 70 тысяч чалавек прыйшлі, каб падтрымаць Святлану Ціханоўскую. Хоць дзяржаўныя СМІ напярэдадні пужалі правакацыямі ад расійскіх баевікоў-вагнераўцаў.
Вось некалькі цытат таго дня, што прагучалі са сцэны. Яны застаюцца актуальнымі і па сёння.
«Мы змяніліся — і гэта назаўсёды».
«Мы хочам гадаваць дзяцей у Беларусі, не хочам, каб людзі з'язджалі з краіны».
«Мы стаміліся ад усяго гэтага і хочам перамен».
«Я хачу, каб людзей не кідалі ў турмы за тое, што яны проста гуляюць па вуліцах. Я хачу знаць праўду, нават калі у нас у краіне шмат захварэлых, а не слухаць Мінздароўя з «У нас усё добра».
«Божа мой, якая рэвалюцыя? Людзі, мы проста хочам сумленных выбараў».
Пасля сустрэчы ў Мінску Ціханоўская і яе паплечніцы Вераніка Цапкала і Марыя Калеснікава працягнулі паездкі па рэгіёнах. У кожным іх віталі, ледзь не як рок-зорак, у многія мястэчкі палітыкі да таго амаль не заяздждалі.
Улада хутка зразумела рост папулярнасці аб'яднанага штаба, таму апошнія сустрэчы, у Мінскай вобласці, ужо суправаджаліся затрыманнямі і правакацыямі, частку перадвыбарчых мітынгаў наогул давялося адмяніць.
Другі мітынг у Мінску, напрыклад, улады сарвалі пад выглядам урачыстага мерапрыемства для вайскоўцаў.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый55
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары