22-гадовага жыхара Гомеля асудзілі да года калоніі за песню «Лукашэнка, сыходзь» у сацсетках
Сяргей Балахонаў 23 жніўня атрымаў год калёніі агульнага рэжыму за «абразу прэзідэнта» (артыкул 368 КК). Так следства і суд трактавалі песню «Лукашэнка, сыходзь!», якую ён убачыў у інтэрнэце і захаваў у сваіх аўдыёзапісах на старонцы «УКантакце».
Малады чалавек жанаты, ягоная жонка цяжарная. Яго ўзялі пад варту сёння ў судзе Цэнтральнага раёна, піша Радыё Свабода.
Сяргей Балахонаў патлумачыў на судзе, што гартаў навіны на старонцы «УКантакце» і дадаваў песьні сабе на старонку, каб пазьней праслухаць іх.
«Я спярша песьню не паслухаў, я дадаваў на сваю старонку розныя песьні, а праз тыдзень паслухаў. Я ў сэнс не ўнікаў, а потым, калі мяне затрымалі і далі зноў праслухаць гэтую песьню, тады ўнік. Зразумеў, што песня мела абразлівы характар», — тлумачыў ён.
У абвінавачанні гучала, што песьню ён размясціў «наўмысна, з мэтай прычынення шкоды аўтарытэту прэзідэнту».
Міліцыянер, які выступаў сведкам, патлумачыў, што ў ходзе маніторынгу «заўважылі песню на старонцы Балахонава». Далей праводзіліся «аператыўна-пошукавыя мерапрыемствы», у ходзе якіх атрымалі інфармацыю, што жыхар Гомеля «негатыўна ставіцца да міліцыі і ўлады ў цэлым».
У апошнім слове малады чалавек плакаў і прасіў не пазбаўляць яго волі, казаў, што раскайваецца.
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары