Міністр замежных спраў Фінляндыі Пека Хаавіста заявіў, што з кіраўніком беларускага МЗС яны абмяркоўвалі праблему правоў чалавека, за парушэнне якіх ЕС увёў санкцыі супраць беларускага кіраўніцтва. Хаавіста таксама асобна ўспомніў пра больш як 600 палітвязняў у Беларусі.
Фінскі міністр паведаміў газеце Helsingin Sanomat, што давёў беларускаму міністру, што Фінляндыя гатова ўзяць удзел ва ўрэгуляванні беларускага крызісу ў рамках платформы АБСЕ. Таксама ён нагадаў Макею, што беларуская апазіцыя неаднаразова заклікала да дыялогу, аднак улады ніяк не рэагавалі на гэтыя заявы.
Пека Хаавіста дадаў, што ў размове з Уладзімірам Макеем падымалася тэма незаконнай міграцыі з тэрыторыі Беларусі ў краіны ЕС.
Нагадаем, прэс-служба беларускага МЗС заяўляла, што ў Нью-Ёрку ў рамках Генасамблеі ААН кіраўнік МЗС Беларусі абмеркаваў з Пека Хаавіста «шэраг пытанняў у сферы ўзаемнай цікавасці».
Чытайце таксама: Што значыць наскок на Беларусь у ААН. Піша Арцём Гарбацэвіч
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты44
Каментары