Лізавета II цалкам адмовілася ад алкаголю: аказваецца, у свае 95 яна магла кульнуць чарачку вечарам
Каралева Вялікабрытаніі 95-гадовая Лізавета II па парадзе дактароў вырашыла цалкам адмовіцца ад алкаголю. Пра гэта піша газета The Daily Telegraph.
«Манарх разлічвае ў найлепшай форме сустрэць плацінавы юбілей (70 гадоў) знаходжання на троне, які адбудзецца ў наступным годзе», — сказана ў артыкуле.
Адзначаецца, што рэкамендацыі медыкаў не звязаныя з якім-небудзь захворваннем, а дадзеныя «ў мэтах засцярогі».
«Каралева прыняла асабістае рашэнне цалкам адмовіцца ад спіртных напояў, але яна ніколі многа не піла», — адзначаецца ў публікацыі.
Па інфармацыі СМІ, брытанская каралева часам дазваляла сабе чарку па вечарах, а таксама магла выпіць сухое марціні перад абедам.
Сямідзесяцігоддзе свайго ўступлення на прастол каралева Вялікабрытаніі будзе святкаваць летам наступнага года. На троне ў 1952 годзе яна змяніла свайго бацьку Георга VI. Тады каралеве было ўсяго 25 гадоў. Цяпер яна — найстарэйшы з дзейных кіраўнікоў дзяржаў, а яшчэ яна кіруе краінай найболей з усіх жывых манархаў.
Цяпер чытаюць
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары