У дыпламатычныя прадстаўніцтвы краін Еўрасаюза ў Мінску прыходзіць заключэнне нямецкага эксперта Марціна Фінке адносна таго, што ніякіх працэсуальных парушэнняў у справе Аўтуховіча няма.
У дыпламатычныя прадстаўніцтвы краін Еўрасаюза ў Мінску прыходзіць заключэнне нямецкага эксперта Марціна Фінке адносна таго, што ніякіх працэсуальных парушэнняў у справе Аўтуховіча няма, паведаміў «НН» праваабаронца Алег Воўчак.
У Мінску прафесар універсітэта Пасау (Ніжнія Баварыя) знаходзіўся з 8 па 10 ліпеня, дзе знаёміўся з матэрыяламі справы. Праз такі хуткі час Фінке паспеў падрыхтаваць сваё заключэнне. Найхутчэй, што немец меў сустрэчы толькі са следчым Кухарчыкам. Ні з Аўтуховічам, ні з ягоным адвакатам, ні з сем’ямі арыштаваных, ні з дыпламатамі ён не сустракаўся.
«Узнікаюць пытанні: хто прымаў, запрашаў, фінансаваў немца?», — запытваецца Воўчак. Праваабаронца кажа, што яны выступаюць катэгарычна за міжнародную экспертызу па справе Аўтуховіча, але пры ўмове, што яна будзе адкрытай і публічнай.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?8
Каментары