Ва ўкраінскай частцы чарнобыльскай зоны зноў пачаліся пажары, вецер дзьме на поўнач
У другой палове дня 16 мая на поўдзень ад адселенага горада Прыпяць зноў праявіліся некалькі ачагоў гарэння, заўважыла выданне «Флагшток».
Вецер зносіць дым у паўночным кірунку. Асабліва ад гэтага цярпяць беларускія Брагінскі і Рэчыцкі раёны, таксама пад пагрозай жыхары суседніх — Лоеўскага і Хойніцкага.
У сувязі з гэтым жыхарам адзначаных раёнаў не рэкамендуецца знаходзіцца на адкрытым паветры пры прыкметах задымлення — смугі або паху гару.
Каментары