Жыхаркі дома ў Баранавічах другі год не могуць спакойна спаць з-за жаночага твару на сцяне
Другі год жыхаркі дома на вуліцы Наканечнікава не могуць жыць спакойна: на сцяне будынка скрозь бетон праступіла аблічча жанчыны.
Абрысы вельмі выразныя, асабліва пасля дажджу, расказалі жыхары мясцовай раёнцы «Наш край».
Жанчыны вельмі занепакоеныя гэтай з’явай. Да іх прыязджалі і спецыялісты аб'яднання «Космапошук», якія займаюцца даследаваннем анармальных з'яў, але дапамагчы нічым не змаглі, хоць і не выключаюць палтэргейста.
Каб паўплываць на сітуацыю, жанчыны спрабуюць розныя метады:
— Молімся, ставім свечкі, асвячаем кватэры і тую самую сцяну — нічога не дапамагае. <…> Мы выразна бачым яе, прычым у поўны рост яна з'яўляецца перад намі і ў яе відавочна не добрыя намеры. Чым мы ёй не дагадзілі?
Лягу спаць - хапае за ногі, за рукі. Стукае ў сцяну, гучна плача, — кажа адна з жанчын.
Пенсіянеркі мяркуюць, што гэта несупакоеная душа жанчыны, якая памерла гвалтоўнай смерцю, і мяркуючы па ўсім, у гэтым замешаны мужчына.
Беларусы сустракаюць вызваленых палітвязняў у Вільні ФОТЫ і ВІДЭА3
Каментары