У Турцыі завялі крымінальныя справы за заклікі да пратэстаў у сацсетках пасля абвалу курсу ліры
Галоўнае ўпраўленне бяспекі Турцыі паведаміла аб завядзенні крымінальных спраў у сувязі з заклікамі ў сацыяльных сетках да вулічных пратэстаў з-за рэзкага падзення курсу ліры, перадае ria.ru.
Пасля абвалу турэцкай ліры ўвечары ў аўторак у Стамбуле, Анкары і шэрагу іншых турэцкіх гарадоў прайшлі акцыі пратэсту. Пратэстоўцы выкрыквалі лозунгі з патрабаваннем адстаўкі ўрада і адхілення ад улады кіруючай Партыі справядлівасці і развіцця. Паліцыя прыняла меры да разгону дэманстрантаў.
«У рамках мерапрыемстваў маніторынгу сацыяльных сетак былі распачатыя крымінальныя справы ў дачыненні да асоб, якія заклікалі да вулічных пратэстаў і гвалту, а таксама распальвалі нянавісць і варожасць у грамадстве, маніпулюючы ваганнямі абменных курсаў», — гаворыцца ў заяве.
Адзначаецца, што справы распачатыя ў дачыненні да ўладальнікаў 271 уліковага запісу ў сацсетках.
Турэцкая валюта ў аўторак паставіла новы антырэкорд, абрынуўшыся з 11,37 да 13,21 ліры за даляр. Такое рэзкае падзенне за суткі з'яўляецца максімальным за апошнія 20 гадоў. Яно адбылося пасля таго, як у мінулы чацвер Цэнтрабанк Турцыі прыняў рашэнне знізіць уліковую стаўку да 15% з 16%, а ў панядзелак прэзідэнт Турцыі Таіп Эрдаган у тэлезвароце зноў выказаўся за зніжэнне ўліковай стаўкі.
Цяпер чытаюць
Лукашэнка: Размова з Макронам доўжылася 1 гадзіну 40 хвілін. Пройдуць перамовы з прадстаўніком Францыі13
Каментары