Лукашэнка пра мігрантаў: Мы будзем рабіць усё так, як яны гэтага пажадаюць
Пра гэта Аляксандр Лукашэнка заявіў у інтэрв'ю турэцкай тэлерадыёкампаніі TRT, піша БЕЛТА.
«Я не сказаў, што яны могуць застацца ў Беларусі. Калі яны захочуць застацца ў Беларусі — мы будзем працаваць строга па законе з імі», — сказаў Аляксандр Лукашэнка.
Пры гэтым ён падкрэсліў: «Мы будзем рабіць усё так, як яны гэтага пажадаюць. Гэта жабракі, бедныя людзі, якія бягуць ад вайны. У іх сапраўды на радзіме няма дзе жыць. Таму мы будзем рабіць усё, як яны захочуць».
Лукашэнка дадаў, што яшчэ падчас тэлефонных размоў з Ангелай Меркель паабяцаў, што беларускі бок «будзе старацца пераканаць людзей вярнуцца на радзіму, калі хтосьці захоча».
Па словах кіраўніка Беларускага Чырвонага крыжа Дзмітрыя Шаўцова, у транспартна-лагістычным цэнтры «Брузгі» знаходзяцца каля 800 мігрантаў, у тым ліку 200 дзяцей.
Раней беларускія ўлады паведамлялі, што на тэрыторыі краіны знаходзіцца каля сямі тысяч мігрантаў. Таксама вядома, што эвакуацыйнымі рэйсамі вярнуліся да чатырох тысяч чалавек.
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары