Праваабаронцы паведамілі пра прызнанне палітвязнямі кіраўніка упраўлення сувязяў з грамадскасцю кампаніі A1, аўтара мема пра памідоры са смятанай і жанчыны, затрыманай за жаданне прысутнічаць на судзе над палітзняволенай.
Кіраўнік упраўлення сувязяў з грамадскасцю кампаніі A1 Мікалай Брэдзелеў быў затрыманы 10 снежня і асуджаны да адміністрацыйнага арышту. Працягвае ўтрымлівацца ў ізалятары, на сённяшні дзень звестак пра ягоны працэсуальны статус няма.
Анатоль Шалковіч стаў папулярным з-за сваёй заявы ў відэароліку, распаўсюджаным МУС, у якім казаў пра любоў да белага і чырвонага колераў, прыводзячы ў прыклад памідоры са смятанай. Ён быў затрыманы 11 лістапада і неаднаразова пакараны адміністрацыйным арыштам.
Таццяна Батура была затрыманая 15 лістапада ў Мінгарсудзе, калі хацела трапіць на першы судовы працэс па справе палітзняволенай Вольгі Залатар. Абыходзіліся з ёй жорстка, яна была тройчы запар асуджаная да адміністрацыйнага арышту.
Не выйшла на волю Таццяна і сёння, пасля заканчэння 45 сутак зняволення. Блізкія чакалі яе каля Акрэсціна дзве гадзіны, але так і не дачакаліся. Пасля неаднаразовых зваротаў маці да супрацоўнікаў ізалятара яны адказалі, што Таццяну ўжо нібыта вызвалілі. Апошнім часам такое «вызваленне» азначае, што па выхадзе дзяўчыну сустрэлі супрацоўнікі Фрунзенскага РУУСа і адвезлі на «прафілактычную гутарку».
Так і аказалася: у Фрунзенскім РУУСе блізкія даведаліся, што на Таццяну складзены ўжо чацвёрты запар пратакол, але па якому артыкулу — невядома. Меркавана, заўтра над дзяўчынай адбудзецца чарговы суд.
Гл. таксама:
Рыгор Кастусёў і яшчэ пяць чалавек прызнаныя палітвязнямі
Цяпер чытаюць
Бяспалаў намаляваў людзей са сцягамі ў цэнтры Мінска і адправіў фота ў міліцыю. З’ехаліся тры машыны з мігалкамі43
Каментары