Сур'ёзная аварыя на трасе Орша-Віцебск: «Рэно» ўрэзалася ў экскурсійны аўтобус. Вадзіцель загінуў на месцы, 41 человек пацярпелі
ДТЗ адбылося 3 студзеня. 31-гадовы кіроўца «Рэно» загінуў на месцы. Аўтобус пры сутыкненні перакуліўся, але пасажыры ацалелі, паведамляе МУС.
Кіроўца «Рэно» пры абгоне выехаў на сустрэчную паласу, дзе сутыкнуўся з экскурсійным аўтобусам. Пасажыры і кіроўца аўтобуса шпіталізаваныя з траўмамі рознай ступені цяжкасці. Сярод пацярпелых чацвёра дзяцей. У аўтобусе знаходзіліся 42 чалавекі, сярод якіх 40 грамадзян Расіі, якія прыехалі на экскурсію. Медыкі аказваюць ім дапамогу на месцы.
Распачатая крымінальная справа за парушэнне правілаў дарожнага руху, што пацягнула па неасцярожнасці смерць чалавека.
Паводле інфармацыі Мінздароўя, у ДТЗ пацярпеў 41 пасажыр аўтобуса (усе грамадзяне Расіі), шэсць з іх знаходзяцца ў цяжкім стане.
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары