Прэм'ер-міністр Вялікабрытаніі Борыс Джонсан заявіў, што мае намер правесці перамовы з прэзідэнтам Расіі Уладзімірам Пуціным.
Фота: AP
Па словах палітыка, Брытанія гатовая ўлічыць любыя апраўданыя занепакоенасці расійскага боку з дапамогай дыпламатыі.
«Мэта Расіі — не дазваляць НАТА набліжацца да сваіх межаў. Калі гэта так, то цяжка ўявіць сабе штосьці больш контрпрадуктыўнае, чым ўварванне ва Украіну. Мае шаноўныя сябры — міністр замежных спраў і міністр абароны Вялікабрытаніі — ужо данеслі адпаведную думку да прэзідэнта Пуціна і я, вядома, гатовы зноў з ім паразмаўляць», — сказаў ён.
Кіраўнік урада чарговы раз папярэдзіў, што «без ваганняў увядзе больш жорсткія санкцыі супраць Расіі», калі ўварванне ва Украіну адбудзецца.
Каментары