Ведамства ў сваіх матэрыялах указвае на сувязь генацыду насельніцтва Беларусі ў часы ВАВ з падзеямі 2020 года.
Пра гэта заявіў кіраўнік следчай групы па расследаванні крымінальнай справы аб генацыдзе Валерый Таўкачоў, піша БелТА.
«У матэрыялах асветленыя не толькі планы нацысцкай Германіі па ажыццяўленні генацыду, дзейнасць калабаранцкіх і нацыяналістычных фармаванняў, але адлюстраваная страшная сувязь часоў, калі ў 2020 годзе Беларусь ізноў сутыкнулася з праявамі экстрэмізму і тэрарызму пад нацысцкай сімволікай», — заявіў Таўкачоў.
Ён таксама назваў падзеі 2020-га спробай дзяржаўнага перавароту.
«Фактычна мы ўбачылі, што арганізатары, натхняльнікі дэстабілізацыі і звяржэння ўлады — гэта ў большасці сваёй палітычныя эліты дзяржаў, адкуль да нас у XX стагоддзі прыйшоў фашызм», — сказаў прадстаўнік пракуратуры.
Цяпер чытаюць
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку44
Каментары