У канцы мінулага года амерыканскі акцёр зняўся ў даволі дзіўным рэкламным роліку. На днях відэа паказалі па тэлебачанні падчас важнага матча, і сацсеткі забурлілі.
Дэвіз рэкламы з Дэйманам — «удача любіць смелых». У відэа, знятым у стылі трэйлераў баевікоў, Дэйман параўноўвае крыптавалюты з найвялікшымі дасягненнямі чалавецтва, і прапануе набываць крыпту праз адпаведны рэсурс.
Самае папулярнае слова ў водгуках пра рэкламу — «зашквар». Людзі пішуць, што Дэйман у роліку падобны да зомбі, і лічаць сам факт з’яўлення такой рэкламы ганебным.
Тыповы водгук: слава і смеласць — прычым яны да крыптавалюты?
Рынак крыпты нестабільны, яго ніхто не рэгулюе, многія крыптавалюты могуць аказацца бурбалкамі.
Дэйман — не першая зорка, што рэкламуе крыптавалюту. Раней у аналагічнай рэкламе зняліся суперзорка амерыканскага футбола Том Брэйдзі і яго жонка мадэль Жызэль Бюндхен. Крыптавалюты піярылі таксама актрыса Рыз Уізерспун і рэпер Снуп Дог, а тэлезорка Кім Кардаш’ян пасля рэкламы крыпты нават атрымала позву ў суд. Згодна з прэтэнзіяй, якую накіравалі ў адрас амерыканкі ў студзені, яна і баксёр Флойд Мэйуэзер-малодшы рэкламавалі махлярскую крыптавалюту і тым самым схілялі інвестараў купляць яе па завышаных цэнах.
Укладваць грошы ў крыпту рызыкоўна. Самая вядомая з крыптавалют, біткойн, доўгі час расла, але апошні час рост змяніўся падзеннем.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары