Кавэзэшніка з Пінска будуць судзіць за жарт-абразу ў тэлеграм-канале
У Пінскім судзе 7 лютага пачнецца разгляд крымінальнай справы Васіля Краўчука, якога абвінавачваюць у абразе міліцыянта.
Падставай для разбору стаў каментарый у тэлеграм-канале, піша «Медыя-Палессе».
У снежні 2020 года Васіль убачыў у тэлеграме навіну пра тое, што ў адной беларускай школе міліцыянер крычала на дзяцей. Ён напісаў у каментарыях жарт, які раней гучаў на тэлебачанні ў праграме КВЗ. Гэта быў перафразаваны фрагмент вядомай дзіцячай песні «Пусть бегут неуклюже» з мультфільма пра Чабурашку і Кракадзіла Гену — частка прыпеву гучала па-іншаму.
Праз два тыдні супрацоўнікі міліцыі прыехалі ў кватэру маці Васіля, якую мужчына даглядае, бо яна перасоўваецца на інвалідным вазку, адвезлі яго па месцы пражывання і правялі там ператрус. Праз два тыдні сілавікі зноў прыехалі ў кватэру маці абвінавачанага і канфіскавалі стары смартфон.
У выніку на Васіля завялі крымінальную справу за абразу супрацоўніка міліцыі. Яму пагражае да двух гадоў калоніі. Сам мужчына запэўнівае, што гэта быў усяго толькі жарт.
Васіль — удзельнік Вышэйшай украінскай лігі КВЗ, чэмпіён беларускага КВЗ у Першай лізе, удзельнік Еўралігі і неаднаразовы ўдзельнік фестывалю КВЗ у Сочы.
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары