Беларусаў затрымліваюць за негатыўныя каментары пра напад Расіі на Украіну
Праваабаронцам стала вядома пра затрыманне ў Мінску Паўла Ларына, а таксама студэнта 2 курса Брэсцкага дзяржаўнага ўніверсітэта Мікіты Кардаша.
Відэа з імі публікуюць праўладныя каналы.
У «пакаянным відэа» Павел Ларын кажа, што, даведаўшыся пра ваеннае ўварванне расійскіх войскаў ва Украіну, на эмоцыях напісаў каментарый у тэлеграм-чаце «Малінаўка», у якім рэзка асудзіў дзеянні Расіі.
Праз некалькі гадзін за Паўлам прыйшоў ГУБАЗіК.
Падрабязнасцяў выстаўленых яму абвінавачванняў пакуль няма.
Таксама стала вядома, што затрымалі студэнта 2 курса Брэсцкага дзяржаўнага ўніверсітэта Мікіты Кардаша.
У віну яму ставяць тое, што сярод аднагрупнікаў ён сказаў: «Калі сюды прыйдуць расійскія войскі і тут пачнецца якая-небудзь заваруха, я за гэтых вырадкаў ваяваць не збіраюся». Далей ішла нецэнзурная лексіка. Таксама хлопец гаварыў, што танкі на тэрыторыю Украіны заходзяць з боку Беларусі.
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску12
Каментары