Людзі, якія працавалі на Чарнобыльскай АЭС 24 лютага, у першы дзень вайны, застаюцца на станцыі, якую кантралююць расійскія вайскоўцы. Пра гэта піша «Громадське» са спасылкай на мэра Славуціча Юрыя Фамічова.
Паводле мэра, супрацоўнікаў не могуць заменіць і ўжо дзесятыя суткі яны працуюць. Яны падзяліліся на дзве групы і замяняюць адзін аднаго.
«Людзі харчуюцца абмежавана, у іх абмежавана колькасць лекаў і ім вельмі складана. Іх родныя і блізкія тут, у Славуцічы, гэтаксама перажываюць і не ведаюць, што з гэтым рабіць», — распавёў Фамічоў.
Ён лічыць гэта сапраўдным тэрарызмам.У свеце не было такіх выпадкаў, калі захоплівалі ядзерныя аб’екты, атамныя электрастанцыі, дадаў Юрый Фамічоў.
Цяпер чытаюць
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль6
Каментары