Затрымалі былую прафесарку БДУ, якая працавала ва ўніверсітэце 33 гады
Гаворка пра былую выкладчыцу філфаку Алу Кожынаву. Пра затрыманне паведамілі яе калегі і студэнты.
«Калі дакладна затрымалі, не ведаю. Казалі, што вінавацяць у захаванні і распаўсюджваніі экстрэмісцкай інфармацыі. Абсурд. Ала сціплы і вельмі шчыры чалавек. Вельмі сумленны. Шанаваны і добры спецыяліст. Паланістка. Імаверна гэта таксама не засталося без увагі ўлады», — кажа яе калега.
Ала Кожынава — прафесарка кафедры тэарэтычнага і славянскага мовазнаўства філалагічнага факультэта БДУ. Яна вядомы вучоны ў галіне паланістыкі.
Прафесарка скончыла філалагічны факультэт БДУ ў 1985 годзе. У 1999-м Ала Кажынава абараніла доктарскую дысертацыю на тэму «Тэксты Кірылы Тураўскага. Семантыка і структура».
Летась выкладчыцу звольнілі з БДУ па дамове бакоў.
«Застаўся толькі медаль за 33 гады працы», — напісала Ала Кожынава ў Фэйсбуку ў дзень звальнення.
Таксама у 2020 годзе прафесарка ўдзельнічала ў відэазвароце супраць гвалту сілавікоў.
«Універсітэт — гэта тэрыторыя свабоды. Акадэмічнай свабоды, свабоды слова, свабоды думкі. Толькі ў такіх умовах можа адбывацца развіццё асобы. Кожны з нас робіць сёння свой выбар. Падпісваць паперу, паведамляць прозвішча студэнта, гаварыць ці маўчаць — кожны робіць свой выбар», — казала яна.
Чытайце таксама:
«Пайшла развешваць лістоўкі «Не вайне». У Мінску затрымалі актывістку Галіну Лагацкую
-
Ціханоўскі расказаў, як за дапамогу яму асудзілі іншага вязня, што сядзеў не за палітыку
-
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі
-
«Калеснікаву перад сустрэчай з бацькам спрабавалі прывесці ў парадак — яна была на ўзмоцненым харчаванні»
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі5
Каментары