Прэзідэнт Украіны Уладзімір Зяленскі выступіў з чарговым зваротам да ўкраінцаў. Сярод іншага ён жорстка выказаўся наконт калабарантаў.
«Хачу сказаць некаторым дзеячам і дзяячкам, якім не хапіла гідлівасці не весці размовы з акупантамі: калі хтосьці з вас раптам спакусіўся на прапановы гэтых акупантаў, вы падпісваеце сабе прысуд ‒ пайсці следам за больш чым 12000 захопнікаў, якія не змаглі своечасова зразумець, чаму на Украіну не варта нападаць», ‒ сказаў ён.
12 сакавіка стала вядома, што ў Мелітопалі расейскія вайскоўцы прызначылі новага кіраўніка гораду ‒ дэпутатку гарадскога савету Галіну Данільчанку, якая прадстаўляла так званы «Оппоблок».
Данільчанка заклікала мясцовых жыхароў «падстроіць усе механізмы пад новую рэчаіснасць, каб як мага хутчэй пачаць жыць па-новаму».
Былога мэра Мелітопаля скралі расейскія вайскоўцы. Жыхары Мелітопаля выйшлі на мітынг, патрабуючы вярнуць Івана Фёдарава.
Прэзідэнт Украіны Уладзімір Зяленскі назваў выкраданне мэра Мелітопаля ваенным злачынствам супраць дэмакратыі і прыраўняў дзеянні расейскіх вайскоўца да дзеянняў тэрарыстаў так званай Ісламскай дзяржавы.
Каментары