У Мінску адкрываецца музей наіўнага мастацтва — абяцаюць выставы як ад зорак жанру, так і ад бяздомных
Афіцыйнае адкрыццё музея запланаванае на 4 чэрвеня, але наведаць яго можна ўжо цяпер: новая прастора працуе ў тэставым рэжыме.
Плануецца, што ў музеі будуць праходзіць выставы наіўных мастакоў. У тым ліку будуць карціны людзей з асаблівасцямі і псіхічнымі дыягназамі.
Стваральнікі музея мараць, што на сценах іх прасторы працы сусветна вядомых мастакоў будуць суседнічаць з карцінамі бяздомных з вуліц.
«Нам пляваць на рэгаліі. Да нас можа трапіць хто заўгодна», — апісваюць свой падыход да напаўнення экспазіцыі супрацоўнікі.
З цікавостак інтэр'еру — частка пакінутых ад дзіцячага цэнтра рэчаў. Напрыклад, вялікі грыб і не менш аб’ёмныя цукеркі пад столлю. А яшчэ — сканструяваны ў савецкім стылі пакой як адказ трэнду на настальгію. Выдатныя дэкарацыі для крэатыўных фотаздымкаў.
Ужо цяпер кожны ахвотны можа запісацца на адзін з майстар-класаў музея. Тут можна, напрыклад, кастамізаваць старыя рэчы, стварыць маляванку сваімі рукамі, навучыцца рабіць арт-калажы ці засвоіць японскую вышыўку сашыка.
Асобна на пляцоўцы будуць арганізоўваць мерапрыемствы для людзей ва ўзросце 60+.
Кошт майстар-класаў складае ад 40 да 109 рублёў з чалавека.
Каментары