«А-100 Дэвелапмент» прыпыняе будаўніцтва моднага квартала «Дэпо». Гэтую інфармацыю блогу «Отражение» пацвердзілі ў кампаніі.
Узводзіць квартал «Дэпо» сталі каля года таму. Размяшчаецца ён у цэнтры Мінска, каля плошчы Перамогі.
Паводле праекта, «Дэпо» — гэта жылы комплекс бізнэс-класа з крамамі, прыватным дзіцячым садам, пешаходнай вуліцай і штучнай сажалкай, сказана на сайце «A-100 Дэвелапмент».
У студзені 2021-га кампанія запусціла продажы кватэр і пентхаўсаў. Кошт квадратнага метра стартаваў з 3500 даляраў.
«Я працую на будоўлі ў ВК «Дэпо». На днях вывезлі адтуль частку матэрыялаў. На аб'екце ніводнага будаўніка», — распавёў адзін з чытачоў.
У кампаніі «A-100 Дэвелапмент» пацвердзілі: сапраўды, яны прыпыняюць будаўніцтва. На які менавіта тэрмін замарожваюць «Дэпо» і чаму, у кампаніі не ўдакладняюць.
Каментары