16 жніўня, у дзень Нерукатворнага абраза Гасподняга, пробашч парафіі Сьвятога і Праведнага Язэпа, протапрэзбітэр Цэнтральна-Заходняга дэканату Беларускай Грэка-Каталіцкай Царквы а. Андрэй Абламейка адслужыў развітальную літургію.
Айцец Андрэй, які ўжо больш як 10 гадоў служыць святаром, скончыў Люблінскі каталіцкі універсітэт і мае ступень магістра багаслоўя. Цяпер ён па блаславеньні царкоўных уладаў накіроўваецца на далейшую вучобу ў Аўстрыю, дзе мае намер атрымаць ступень доктара. Вучыцца і пісаць дысертацыю а. Андрэй Абламейка будзе ў Міжнародным багаслоўскім інстытуце вывучэння шлюбу і сям’і ў Гамінгу, які заснаваны з ініцыятывы папы Яна Паўла ІІ.
Разам з айцом Андрэем Абламейкам на вучобу ў Гамінг накіроўваецца і яго жонка – матушка Святлана. Яна мае намер пісаць магістэрскую працу з тэалогіі сям’і. Сын святара, Багдан, ўвосень пачне вучыцца ў Каталіцкім універсітэце ў Любліне, а дочкі – непаўналетнія Альжбета і Анастасія – будуць жыць разам з бацькамі ў Аўстрыі.
Новым пробашчам парафіі Сьвятога і Праведнага Язэпа будзе Апостальскі Візітатар для грэка-католікаў Беларусі архімандрыт Сяргей (Гаек).Дапамагаць яму будзе курыяльны святар Алесь Аўдзяюк.
Выпускнік Каталіцкага ўніверсітэту ў Айхштэце (Нямеччына), айцец Алесь Аўдзяюк служыць цяпер у парафіі дыяканам. Чакаецца, што яго ўзвядуць у сан сьвятара 23 жніўня падчас архірэйскай службы, якую будзе адпраўляць Апостальскі Адміністратар Мукачаўскай грэка-каталіцкай епархіі (Україна) Уладыка Мілан Шашык. Літургія пачнецца а 10-й гадзіне раніцы ў царкве святой Параскевы Полацкай (г. Полацк).
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю6
Каментары