Падчас баёў за Марыупаль паранены чачэнец, падазраваны ў забойстве Нямцова
Падчас баёў за Марыупаль атрымаў раненне былы намеснік камандзіра батальёна «Поўнач» Руслан Герамееў — фігурант справы аб забойстве палітыка Барыса Нямцова. Пра гэта паведаміў кіраўнік Чачні Рамзан Кадыраў, назваўшы Герамеева «дарагім братам».
«Сёння па дарозе ў Марыупаль я наведаў дарагога брата і асабіста пераканаўся, што яго жыццю нічога не пагражае. Ён паспяхова ідзе на папраўку і гатовы ў найбліжэйшы час зноў стаць у строй», — напісаў Кадыраў.
Забойства Нямцова адбылося ў Маскве ў лютым 2015 года. У датычнасці да забойства падазравалі некалькіх ураджэнцаў Чачні. Следчыя хацелі дапытаць таксама і Герамеева, аднак, як сцвярджалася, не знайшлі яго.
Акрамя праведвання «дарагога брата», Кадыраў сёння таксама заявіў, што расійскую «спецаперацыю» ва Украіне спыняць нельга:
«Я заяўляю, што трэба завяршыць пачатае, не спыняцца. Трэба зайсці ў Кіеў і забраць Кіеў. Калі б нас пакінулі каля Кіева, то я больш чым упэўнены, што мы зайшлі б у Кіеў і навялі б парадак».
Такое меркаванне ідзе ўразрэз з афіцыйнай пазіцыяй расійскіх уладаў, якія на перамовах з украінцамі ў Стамбуле гавораць пра спыненне эскалацыі на Кіеўскім і Чарнігаўскім напрамках. Праўда, чамусьці не ўключаючы ў паняцце дээскалацыі спыненне агню.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым4
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары