Прычым пасажыры абурыліся затрыманнем кіроўцы.
У Гродне супрацоўнікі ДАІ затрымалі п'янага кіроўцу маршруткі, піша прэс-служба МУС.
Інспектары ДПС спынілі маршрутнае таксі па маршруце Гродна — Ваўкавыск, у салоне якога знаходзіліся 13 пасажыраў. Падчас праверкі дакументаў фізічны стан 47-гадовага кіроўцы выклікаў падазрэнні.
Медыцынскі агляд пацвердзіў, што мужчына знаходзіўся ў стане алкагольнага ап'янення. Нягледзячы на абурэнне пасажыраў, якія жадалі працягнуць шлях з нецвярозым кіроўцам, яго адхілілі ад кіравання.
На парушальніка складзена пяць адміністрацыйных пратаколаў, у тым ліку за кіраванне транспартным сродкам у стане ап'янення. Яму пагражае штраф у памеры 100 базавых велічынь (4 000 рублёў) і пазбаўленне правоў на тры гады.
Да адказнасці таксама прыцягнуты дырэктар фірмы-перавозчыка за допуск да кіравання кіроўцы ў стане ап'янення, а таксама за ўдзел у дарожным руху маршрутнага таксі з тэхнічнымі няспраўнасцямі.
Цяпер чытаюць
Міністр сувязі: Абмежаванні мабільнага інтэрнэту закрануць 1,7 мільёна беларусаў18
Каментары