Украіна заяўляе пра кібератакі на аб'екты энергетычнай інфраструктуры
Украінскія ўлады кажуць, што прадухілілі спробу вывесці са строю аб'екты энергетычнай інфраструктуры, супраць якіх расійскія хакеры здзейснілі кібератаку, піша Бі-бі-сі.
Паводле ўкраінскіх уладаў, хакеры ўпершыню праніклі ўсярэдзіну энергасістэмы ў лютым. Затым яны паспрабавалі актываваць шкоднаснае праграмнае забеспячэнне, якое магло прывесці да адключэння крыніц сілкавання.
Сцвярджаецца, што кібератаку ажыццявіла хакерская групоўка Sandworm: яна звязаная з расійскай вайсковай разведкай і раней ужо праводзіла шэраг аперацый.
У 2015 годзе гэтая група здзейсніла кібератакі на кампаніі энергетычнага сектара ва Украіне (што прывяло да адключэння электрастанцый). Аднак улады заяўляюць, што гэтым разам хакерам не ўдалося ажыццявіць свае планы.
«Sandworm — гэта супердрапежнік, здольны на сур'ёзныя аперацыі, але і ён небездакорны», — заявіў Джон Халтквіст, супрацоўнік кампаніі Mandiant, якая займаецца кібербяспекай.
Украіна перажыла серыю кібератак напярэдадні і пасля пачатку расійскага ўварвання і абаранілася ад іх больш паспяхова, чым прадбачылі эксперты.
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары