Паклонская: Літара Z сімвалізуе трагедыю і гора як для Расіі, так і для Украіны
Наталля Паклонская — намесніца кіраўніка Рассупрацоўніцтва, былая пракурорка Крыма і дэпутат Дзярждумы ад «Адзінай Расіі» — лічыць, што літара Z з'яўляецца сімвалам «трагедыі і гора». Пра гэта Паклонская заявіла ў эфіры ютюб-канала «Живой гвоздь», які вядуць журналісты закрытага «Эха Москвы», перадае «Мядуза».
«Гэтая літара Z сімвалізуе трагедыю і гора як для Расіі, так і для Украіны. Чаму? Ды таму што гінуць і рускія салдаты, расіяне, і бацькі атрымліваюць розныя весткі. Гэта — бяда. Бо міністэрства абароны гаворыць, столькі загінула, столькі параненых. Няўжо гэта радасць? Не», — сказала яна.
Адказваючы на пытанне, што важнейшае — «дзяржава або асоба» і што больш каштоўнае — «перамога над украінскім нацызмам, які нібыта існуе, або каштоўнасць чалавечага жыцця», Паклонская заявіла, што для яе «важнейшая асоба, чалавек, проста чалавек».
«Калі параўноўваць закон, спачуванне і міласэрнасць, я выбіраю міласэрнасць. Сёння яе не хапае вельмі моцна. <…> І трэба разумець, што людзі ўсюды. І для ўсяго чалавецтва каштоўнасць — гэта захаванне міру, бяспекі, парадку, дабра, любові», — сказала Паклонская.
Літара Z стала галоўным сімвалам расійскага ўварвання ва Украіну. Яе лічаць свастыкай новага часу.
Раней Паклонская назвала ўварванне ва Украіну «катастрофай» і ўдзельнічала ў перадачы расійскай гуманітарнай дапамогі жыхарам захопленых рэгіёнаў.
«Усяго за тыдзень літара Z стала сімвалам новага расійскага таталітарызму». Што значыць Z, якую называюць новай свастыкай?
Хто ж прыдумаў маркіроўку літарай Z для расійскай вайсковай тэхнікі
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Цяпер чытаюць
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары