Грамадства

Сацыёлагі даведаліся, што будуць рабіць беларусы, калі вайна распаўсюдзіцца на нашу краіну

Сhatham House апублікаваў вынікі новага сацыялагічнага даследавання наконт стаўлення беларусаў да вайны. Як змяніліся настроі і сімпатыі?

Фота: Міністэрства абароны РБ

Апытанне праводзілася ў Беларусі ў красавіку — праз інтэрнэт былі апытаныя 823 рэспандэнты.

Сярод іх 40% не падтрымліваюць дзеянні расійскай арміі на тэрыторыі Украіны, а 32% — у той ці іншай ступені падтрымліваюць.

Пры гэтым менш за 20% рэспандэнтаў чакаюць, што наступствы вайны ва Украіне для Беларусі і для іх асабіста будуць станоўчымі, палова апытаных рыхтуецца да негатыўных наступстваў.

У параўнанні з аналагічным даследаваннем Chatham Hause, праведзеным у сакавіку, беларусы пачалі радзей лічыць, што канфлікт будзе непрацяглым — 53% мяркуюць, што вайна яшчэ на некалькі месяцаў. Яшчэ 18% лічаць, што канфлікт расцягнецца на гады.

Беларусы ў перспектыве бліжэйшых трох месяцаў чакаюць пагаршэння эканамічнай сітуацыі ў краіне — 66% прагназуюць, што вырастуць цэны, 63% — што на Беларусь накладуць больш жорсткія санкцыі. 37% апытаных лічаць, што краіна можа сутыкнуцца з дэфіцытам прадуктаў. Але не ўсё беларусы песімісты — 15% верыць, што эканоміка Беларусі стабілізуеца, а 10% — што жыццё простага чалавека палепшыцца.

У цэлым 56% беларусаў лічаць, што не заслугоўваюць такога ж негатыўнага стаўлення з боку заходніх краін да сябе, як грамадзяне Расіі. Толькі 15% згодныя, што звычайныя беларусы таксама вінаватыя ў тым, што з нашай тэрыторыі здзяйсняецца агрэсія супраць Украіны. Тыя, хто не падтрымлівае дзеянні Расіі, часцей лічаць беларусаў вінаватымі ў канфлікце, у той жа час яны часцей думаюць, што не заслугоўваюць такога ж негатыўнага стаўлення, як грамадзяне РФ. 

Пятая частка грамадства не вызначылася, што варта было б рабіць Беларусі пасля пачатку баявых дзеянняў паміж Расіяй і Украінай. Беларусы па-ранейшаму не жадаюць прамога ўдзелу ў вайне ні на адным з бакоў.

Рэспандэнты не думаюць, што вайна перакінецца на тэрыторыю Беларусі, і ўпэўненыя, што наша армія не будзе ўдзельнічаць у канфлікце. Аднак большасць асцерагаецца, што Расія ўцягне ў вайну Беларусь.

Што калі вайна будзе ў нашай краіне? Большасць апытаных хутчэй паклапоцяцца пра абарону ўласных інтарэсаў — закупяць лекаў і прадуктаў, пачнуць ашчаджаць грошы, падрыхтуюцца да пераезду. Мітынгі супраць вайны будуць гатовы наведваць 15%. Толькі 9% грамадзян гатовыя ўступіць у шэрагі ўзброеных сіл, а 7% — падтрымліваць удзел Беларусі ў вайне.

Меней за чвэрць грамадства лічыць, што ў выпадку ўдзелу беларускай арміі ў вайне на баку Расіі нашы вайскоўцы прымалі б актыўны ўдзел, 22% мяркуе, што беларускія салдаты склалі б зброю і адмовіліся ад выканання загадаў, а 19% чакае ад беларускай арміі ўцёкаў з поля бою.

Адмова выконваць загады грамадствам успрымаецца як больш прымальнае дзеянне, чым здача ў палон украінскім узброеным сілам.

Сацыёлаг Генадзь Коршунаў патлумачыў, чаму расіяне так падтрымліваюць вайну, а беларусы — не

У Расіі спрабуюць высветліць, ці хочуць рускія вайны. І выглядае, што хочуць 

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Навуковец распавёў пра геалагічныя загадкі Беларусі: ртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў

Навуковец распавёў пра геалагічныя загадкі Беларусі: ртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў

Усе навіны →
Усе навіны

Ветэрану з Гродна 97 гадоў — у 1945-м ахоўваў мост пад Ніжнім Ноўгарадам, а пасля вайны змагаўся з «бандэраўцамі»19

Анархісту ў Расіі далі 16 гадоў за падпал ваенкамата. Ён збег у Бішкек, яго злавілі і дэпартавалі

Брусэль плануе скараціць дыпперсанал у Беларусі11

Чарговы беларускі трэнер узначаліў кіпрскі «Арыс»

Колькі шэнгенскіх віз атрымалі беларусы ў 2024 годзе і якія краіны іх часцей выдаюць?9

Адзінаццаць гадоў Лукашэнка развівае гарады-спадарожнікі. Пакуль атрымліваецца не вельмі

У ЕС узгаднілі адмену штампаў на мяжы Шэнгену1

Людзі ў шоку ад таго, колькі каштуе восем дзён плыць па рэках Палесся на цеплаходзе «Белая Русь»13

Беларус знайшоў на набытым участку дзіўныя рэчы на выпадак апакаліпсісу1

больш чытаных навін
больш лайканых навін

Навуковец распавёў пра геалагічныя загадкі Беларусі: ртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў

Навуковец распавёў пра геалагічныя загадкі Беларусі: ртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў

Галоўнае
Усе навіны →

Заўвага:

 

 

 

 

Закрыць Паведаміць