Здарэнні

«Стралялі з украінскага боку». Што кажуць у памежнай вёсцы, дзе забілі беларускага рыбака

9 мая ў беларускай вёсцы Верхнія Жары невядомыя абстралялі двух рыбакоў. Адзін з іх, ветэрынар з Гомеля Сяргей Чамбровіч, загінуў, яго сябар выратаваўся. Мясцовы жыхар распавёў «Нашай Ніве», што вядома пра надзвычайнае здарэнне. 

З Чамбровічам і яго сябрам суразмоўца не знаёмы. Але, кажа, мужчыны пастаянна прыязджалі на рыбалку ў Верхнія Жары, візуальна іх ужо пазнавалі мясцовыя.

Загінулы ветэрынар Сяргей Чамбровіч

«Апошнія гадоў пяць яны нярэдка прыязджалі на дзень, на два. Ставілі намёт за вёскай, там і начавалі, — кажа вясковец. — Так было і ў гэты раз». 

Побач з Верхнімі Жарамі проста па рацэ Дняпро праходзіць мяжа з Украінай. Таму ў вёску прапускаюць па прапусках для памежнай зоны. 

Навігацыя па рацэ для беларусаў цяпер закрытая, кажа суразмоўца, нават беларускія памежнікі не ездзяць на лодках па Дняпру, яны патрулююць тэрыторыю ўздоўж берага.

«Дакладных падрабязнасцяў здарэння ніхто не ведае. Але ў вёсцы расказваюць наступнае: мужчыны рыбачылі не з лодкі. Рака разлілася, заліла лугі. І гэтыя двое нібыта проста пайшлі пехатою па лугах, якія побач з Дняпром, вады там недзе да пояса. 

І нехта стрэліў. Хто, што — я не ведаю, нам тут асабліва ніхто нічога не расказвае, — кажа мясцовы жыхар. — 

Але, кажуць, адзін з рыбакоў збег, змог пазваніць на памежную заставу. Ён вельмі перапалохаўся, нават спачатку не змог указаць месца, дзе рыбачыў.

Адразу адрэагавалі памежнікі, пасля міліцыя тут была, АМАП.

Сілавікі спачатку не ведалі, як туды дабрацца — машынай не праедзеш, вада стаіць. Пасля здабылі лодку, забралі цела загінулага. Яго і мужчыну, што выжыў, павезлі ў Камарын, на заставу.

Спачатку казалі, што другога мужчыну паранілі, цяпер, здаецца, высветлілася, што ён усё ж не пацярпеў».

Суразмоўца ўпэўнены, што стралялі з украінскага боку:

«Раней мясцовыя бачылі, што па Дняпры ездзіць лодка, гэта дакладна былі не беларусы. 

Недзе паблізу тут расійскіх войскаў таксама няма. Там, дзе мужчыны рыбачылі, мясцовыя таксама не ходзяць. Таму, напэўна, стралялі з боку Украіны. Людзі расказваюць, што гэта не першы раз страляюць з таго боку. У суседняй вёсцы мясцовыя пасля пачатку вайны таксама чулі стрэлы на ўкраінскім баку — гэта таксама было ля Дняпра, там невялікія выспы пасярод ракі. Як казалі, нібыта было пару стрэлаў». 

Што магло выклікаць страляніну суразмоўца не ведае. Сям’я загінулага коратка паведаміла «Нашай Ніве»: у іх інфармацыі пакуль няма, ідзе следства.

«Нічога не ведаю, ідзе следства». На мяжы з Украінай застрэлілі беларускага рыбака

 

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Па адчуваннях, хварэюць усе»: педыятр пра сітуацыю з грыпам у Беларусі2

«Па адчуваннях, хварэюць усе»: педыятр пра сітуацыю з грыпам у Беларусі

Усе навіны →
Усе навіны

Для бібліятэкі імя Караткевіча ў Рагачове закупляюць тысячы кніг, але ніводнай на беларускай мове16

Блогеру Мэлстрою адправілі позву на допыт у пасольства Расіі ў Чарнагорыі3

У Мінску сталі прадаваць бярозавы сок

Пяскоў сказаў, што Бедрос Кіркораў прайшоў Вялікую Айчынную вайну. Але таму было 9 гадоў у 1941-м21

Навукоўцы змаглі вызначыць магчымых сваячак Ефрасінні Полацкай дзякуючы генетычнаму аналізу9

У Мінску сутыкнуліся дзве легкавушкі і маршрутка

Загінуў беларус з Індуры, які ваяваў на баку Расіі. Пратрымаўся менш за два месяцы3

Памерла самая разумная малпа ў свеце, якая ведала больш за 300 слоў, гатавала і гуляла ў Minecraft24

За скандальны гадзіннік Франака Вячоркі ўжо даюць 2500 еўра35

больш чытаных навін
больш лайканых навін

«Па адчуваннях, хварэюць усе»: педыятр пра сітуацыю з грыпам у Беларусі2

«Па адчуваннях, хварэюць усе»: педыятр пра сітуацыю з грыпам у Беларусі

Галоўнае
Усе навіны →

Заўвага:

 

 

 

 

Закрыць Паведаміць