Шандаровіч: Як толькі Захад сядзе з Пуціным за стол перамоваў — Захад прайграў

— Тое, што вайна працягваецца так доўга, — гэта сведчанне стратэгічнай паразы Пуціна, — кажа Шандаровіч. — Пытанне — у цане, якую плаціць Украіна, і яшчэ заплаціць.

Сітуацыя — вельмі драматычная. Таму што за паскарэнне гібелі Расійскай імперыі плаціць менавіта Украіна.

Менавіта з Украіны ўсё пачыналася — Кіева — маці гарадоў рускіх. І імперыя не можа існаваць без падпарадкаванай Украіны. Імперыя можа існаваць без краін Балтыі, Каўказа, Сярэдняй Азіі — тут ёсць варыянты, але без Украіны, без Кіева, не можа быць імперыі. Таму такі востры боль у Пуціна. Таму і з нагоды Майдану такі боль.

Не можа быць вольнай Украіны. Вольная Украіна азначае гібель імперыі.

Тое, што Украіна трагічна сталася апошняй кропляй, з якой гіне на нашых вачах імперыя, Шандаровіч лічыць сімвалічным.

На яго думку, Захад «цалкам кансалідавана» дае загінуць Расійскай Імперыі.

— А тое, што за гэта плаціць Украіна сваімі жыццямі, гэта можна, з пункту гледжання Захаду, назваць цынізмам, прагматызмам — гэта ўжо гульня ў словы. Ён плаціць грашыма. А ваюе Украіна.

У гэтым сэнсе дакладны чорны выдатны

анекдот габрэйска-адэскі:

— Моня, ты чуў, што Расія ваюе з НАТА?

— І як?

— Тысячы загінулых, вось столькі самалётаў няма, вось столькі танкаў знішчана…

— А што НАТА?

— А НАТА яшчэ не пад'ехалі.

Шандаровіч кажа, што сёння самае драматычнае пытанне — у цане, якую плаціць Украіна, і адпаведна, цане, якую заплаціць Расія, «таму што чым большую цану сёння плаціць Украіна, тым большую цану пасля заплаціць Расія».

— Гэта зусім прамая сувязь, і не толькі грашовая. І не толькі таму што расіяне на свае грошы сёння знішчаюць Украіну, а потым будуць на свае ж грошы яе аднаўляць. Калі б справа абмяжоўвалася фінансамі — гэта быў бы шчаслівы выпадак.

На жаль, упартасць імперскай Расіі наўпрост прапарцыйная пагібельнасці далейшага. Таму што ўсё менш шанцаў для выхаду Расіі з гэтага імперскага грэйцара.

Тое, што Расія стратэгічна прайграе, не выклікае сумневу. Ніколі не выйгравала адна дзяржава супраць аб'яднанага свету. Можна тактычна выйграць нейкую бітву, можна ўзяць населены пункт і аб'явіць гэта перамогай, але ніколі вялікія вайны не выйграваліся краінай, якая знаходзіцца ў супрацьстаянні з цэлым светам.

А сёння кансалідацыя свету супраць Расіі вышэй, чым кансалідацыя свету супраць гітлераўскай Германіі.

Пісьменнік упэўнены, што Расія стратэгічна ўжо пацярпела паразу. Але тое, што сёння адбываецца ва Украіне, гэта не вайна ў чыстым выглядзе, калі змагаюцца вайскаводы. Гэта не вайна военачальнікаў, гэта не вайна ваеннай тактыкі. Гэта такія перамовы, кажа ён.

— Пуцін бессэнсоўна бамбіць па Адэсе, якую ён не збіраецца браць, таму што ён не можа ўзяць Адэсу. Ён наносіць шкоду, забівае, руйнуе.

Гэта яго спроба ўвайсці ў перамовы з Байдэнам. Гэта ён так перагаворваецца з Байдэнам. Ён так кажа: «Бачыце, мы адмарозкі, мы можам разнесці дашчэнту гарады. Мы маем ядзерную зброю, і мы можам яе ўжыць. Мы сапраўды шалёныя. Размаўляйце з намі, дамаўляйцеся з намі».

На думку Шандаровіча, як толькі Захад сядзе з Пуціным за стол перамоваў — Захад прайграе. Таму што Пуціну нічога, акрамя гэтага не трэба.

— Тады пачнецца: давайце статус-кво, гэта нам, гэта вам, давайце дамаўляцца.

Ён хоча, каб з ім дамаўляліся. І цяпер яго драма, што з ім ніхто не хоча дамаўляцца. Што ў адказ на бамбаванне ўкраінскіх гарадоў, Байдэн падпісвае ленд-ліз. І яшчэ дадае некалькі мільярдаў у адказ на новыя бамбаванні.

Гэта ідзе такі дыялог, у якім Украіна з'яўляецца закладнікам.

З іншага боку, цалкам зразумела, што зрабіць крок насустрач рэкеціру, прызнаць права рэкеціра ўзроўнем гвалту вызначаць ўзровень перамоваў, — гэта значыць прайграць адразу. Як выдатна сфармуляваў Неўзлін,

вы аддалі гопніку гадзіннік у той момант, калі далі яму цыгарэту. Ён не спыніцца. Нельга адкупіцца цыгарэтай.

• 95
• 0
• 5
• 0
• 1
• 0
• 2
• 0