Інстаграм-блогера асудзілі да 4 гадоў калоніі. Пры затрыманні ў яго выбівалі логін і пароль
У судзе Маскоўскага раёна агучылі прысуд 29-гадоваму палітзняволенаму Сяргею Сакаўцу.
Суддзя Таццяна Пірожнікава па трох артыкулах Крымінальнага кодэкса прызначыла яму чатыры гады калоніі ва ўмовах агульнага рэжыму, паведамляе «Вясна».
Сяргея абвінавачвалі па ч. 1 арт. 342 КК за ўдзел у чатырох жнівеньскіх акцыях пратэсту — 9, 16, 23 і 30 жніўня. Таксама яму інкрымінавалі заклікі да ўдзелу ў мітынгах праз Instagram, у якім у яго было каля 15 тысяч падпісчыкаў.
Па арт. 367 і 368 (паклёп і абраза Лукашэнкі) Сакаўцу інкрымінавалі яго пасты ў Інстаграме пра тое, што людзі хочуць перамен і Лукашэнку трэба сыходзіць, а ён «учапіўся сінімі пальцамі ва ўладу і трымаецца», а таксама тое, што называў Лукашэнку «тараканам».
Сяргей на судзе віну не прызнаў і заявіў пра збіццё пры затрыманні
Цяпер чытаюць
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3737
Каментары