The New York Times: На пачатку мая пры спробе пераправы цераз раку Северскі Данец загінулі каля 400 расійскіх вайскоўцаў
Прадстаўнікі УСУ распавялі карэспандэнту NYT, што расійскія вайскоўцы ў першай дэкадзе мая спрабавалі фарсіраваць Северскі Данец у раёне Белагораўкі, каб акружыць ўкраінскія сілы ў раёне Севераданецка.
Аднак замест гэтага вайскоўцы РФ самі апынуліся ў атачэнні — ім далі пераправіцца на паўднёвы бераг ракі, а затым адкрылі шчыльны артылерыйскі агонь, а па рэчышчы ракі пусцілі міны, узарваўшы пераправы і адрэзаўшы шлях да адступлення.
Карэспандэнту, які пабываў на месцы бітвы, украінскія вайскоўцы паказалі разбітую расійскую тэхніку — не менш за 15 бронемашын, а таксама ўчастак лесу, дзе, як піша выданне, «з дрэў звісаюць кавалкі расійскай уніформы», а «пах цел, якія раскладаюцца, невыносны».
Расійскія войскі неўзабаве аднавілі ўзарваныя пантонныя пераправы і зноў паспрабавалі фарсіраваць Северскі Данец, аднак іх сустрэлі ўкраінскія сілы, якія занялі абарону.
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары