Расійскія вайскоўцы, якія кантралявалі 70% Севераданецка, за апошнія два дні адступілі, цяпер горад падзелены напалову, заявіў кіраўнік Луганскай абласной адміністрацыі Сяргей Гайдай.
Па яго словах, армія РФ страціла вялікую колькасць асабовага складу, у палоне апынуліся восем расіян. Пры гэтым усе рэзервы накіраваныя на захоп Севераданецка і трасы Лісічанск — Бахмут.
Напярэдадні Мінабароны Расіі сцвярджала, што ўзброеныя сілы Украіны, нясучы страты ў шэрагу падраздзяленняў да 90%, адступаюць з Севераданецка ў кірунку Лісічанска.
Па словах Гайдая, ноччу каля 30 снарадаў трапілі ў будынак гуманітарнага штаба ў Лісічанску.
«Сітуацыя ў вобласці застаецца вельмі цяжкай. Са ствольнай артылерыі і рэактыўных сістэм залпавага агню расіяне 4 чэрвеня абстралялі Севераданецк, Лісічанск, Усцінаўку, Урубоўку і Ташкоўку. Авіяцыйныя ўдары верталётамі Ка-52 нанесеныя ў раёнах Горнага і Мірнай Даліны, самалётамі Су-25 — па Усцінаўцы. Ракетны ўдар з комплексу «Точка-У» нанесены па Лісічанску», — напісаў ён у телеграм-канале.
-
Трамп прымае вялікую дозу аспірыну для разрэджвання крыві. Праз гэта ў яго лёгка з'яўляюцца сінякі
-
Каля 40 чалавек загінулі, больш за 100 з траўмамі. Ахвяры страшнага пажару на раскошным альпійскім курорце
-
23‑гадовага ўкраінца затрымалі ў Варшаве з глушылкай — ён звярнуў на сябе ўвагу тым, што гадзінамі праседжваў у кавярні ў аэрапорце
Каментары