Тэхнічка так эмацыйна звольнілася са смалявіцкай гімназіі, што чыноўнікі паехалі туды з рэйдам
Жанчына напісала, што рашэнне ўладкавацца ў гэтую навучальную ўстанову было яе «самай вялікай памылкай», а ў канцы паказала навучальнай установе непрыстойны жэст. На ролік звярнулі ўвагу чыноўнікі.
Жыхарка Смалявіч запісала відэа пра сваё звальненне з мясцовай гімназіі імя Купрэвіча.
Яна назвала сваё ўладкаванне на працу «самай вялікай памылкай», а ў фінале паказала непрыстойны жэст. Жанчына нічога не гаворыць пра прычыны такіх адносін да былога працадаўцы. Але нідзе і не называе сваю пасаду там.
Магло скласціся ўражанне, што «так з гімназіі бяжыць педагагічны работнік», заўважыла раёнка.
Ва ўпраўленні па адукацыі і спорце Смалявіцкага райвыканкама тэрмінова адрэагавалі на відэа.
— Нашы спецыялісты выехалі ў гімназію, пагутарылі з калектывам, вывучылі дакументы і праверылі ўсе факты, якія агучыла аўтарка відэа. Ніводзін факт з заяў былой супрацоўніцы не пацвердзіўся, — распавяла намеснік начальніка ўпраўлення Ірына Арлоўская.
«Ва ўпраўленні падкрэслілі, што гімназія з’яўляецца флагманам смалявіцкай адукацыі», — дадае дзяржвыданне.
Слова звольненай жанчыне раёнка не дала.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары