19 чэрвеня каманда Telegram паведаміла пра запуск платнай версіі Telegram Premium. Падпіска коштам $ 4,99 на месяц дазваляе атрымаць доступ да дадатковых функцый.
«У 2022 годзе Telegram увайшоў у топ-5 найчасцей загружаных дадаткаў у свеце, а колькасць актыўных карыстальнікаў месенджара перасягнула 700 мільёнаў чалавек у месяц.
Гэтых вынікаў ўдалося дасягнуць выключна дзякуючы асабістым рэкамендацыям: Telegram ніколі не размяшчаў платную рэкламу сваіх мабільных праграм», — паведамляецца ў прэс-рэлізе з нагоды запуску пашыранай платнай версіі месенджара.
У Telegram Premium будуць павялічаныя практычна ўсе ліміты ўдвая. Стане даступнай загрузка файлаў да 4 ГБ, максімальная хуткасць запампоўкі, з'явяцца ўнікальныя стыкеры і рэакцыі, дадатковыя інструменты для кіравання чатамі і іншыя дадатковыя опцыі.
Каманда Telegram адзначае, што ўсе дагэтуль наяўныя функцыі пры гэтым застануцца бясплатнымі.
-
Фальсіфікацыі ў даследаваннях хваробы Альцгеймера. Як вынікі прывялі не туды
-
Беларускія вучоныя пахваліліся папяровымі кубачкамі, вырабленымі па новай тэхналогіі. Такія то рабілі даўно, але нашы дадалі іншае рэчыва
-
«Гэтая партыя прайграная». Беларускія даследчыкі — пра тое, у што ператварылася Акадэмія навук
Каментары